Gaur goizeko 7etan istripua izan du kamioi batek Alkaiagako tunelean, N-121-A errepideko 68. kilometroan. Horren eraginez, gaur goizean auto-ilara handiak izaten ari dira inguru horretan. Guardia Zibila txandaka pasabidea ematen ari da, baina Iruña eta Gipuzkoa arteko bidea egin behar dutenei A-15 autobidea erabiltzeko aholkua ematen ari da.
Ezagutzen ez diren arrazoiengatik, kamioiak Iruña aldera dagoen informazio-panela jo jo ondotik, hau hondatu eta lurrera bota du. Tunelaren barreneko argi batzuk ere hondatu ditu.
Nafarroako Gobernuko Errepideen Kontserbatzeko Zerbitzutik jakinarazi dutenez, kalteak moldatzekoeta errepidera eroritako materiala kentzeko lanean ari dira, lehenbailehen bide hau bere osotasunean ireki ahal izateko.