Bertze urte batez, Lodosa eta Lizarrara joanen dira Arkupeak erretiratuen eta pentsionisten elkarteko lagunak. Izen emateko epea zabalik dago dagoeneko, eta hurrengo asteartean, hilak 18, bukatuko da. Egun osoko prezioa 35 eurokoa izanen da, eta autobusen irteera ordutegiak izena eman ondotik jakinaraziko dira.
Lodosan Peron kontserba fabrika bisitatuko dute. Taldetan banatu, eta batzuk fabrika ikusten duten bitartean, bertzeek piper, zainzuri eta piperrak egiten dituzten landak ikusiko dituzte. Goiza Lodosan pasatu ondotik, Lizarrako Venta Larrion jatetxean bazkalduko dute.