Etxalarko udalak enkante irekia egingo du aurtengo ehizaldirako Iarmendiko barrutian dauden usategiak errentan jartzeko.
Enkantea Herriko etxean egingo da irailaren 8an eguerdiko 12:00etan ahozko eskaintzaren bidez.
22 uso postu daude Iarmendi alderdian kokatuak.
Lizitazioaren hasierako prezioak honako hauek dira:
1 zenbakiko sarea 2.911 euro
3 zenbakiko sarea 2.473 euro
4 zenbakiko sarea 2.306 euro
Parapetoa 2.805 euro
1 zenbakiko postua 2.134 euro
2 zenbakiko postua 1.802 euro
3 zenbakiko postua 1.473 euro
10 zenbakiko postua 1.915 euro
11 zenbakiko postua 1.640 euro
12 zenbakiko postua 1.640 euro
13 zenbakiko postua 1.640 euro
14 zenbakiko postua 1.252 euro
15 zenbakiko postua 1.252 euro
16 zenbakiko postua 1.072 euro
17 zenbakiko postua 787 euro
18 zenbakiko postua 787 euro
19 zenbakiko postua 787 euro
20 zenbakiko postua 787 euro
21 zenbakiko postua 787 euro
22 zenbakiko postua 787 euro
23 zenbakiko postua 966 euro
24 zenbakiko postua 966 euro
Hasierako prezioa kontutan hartuz, denetara, 32.969 euro dira.
Enkantea ahozko posturaren bidea eginen da.
Enkantean behin-behineko esleipena egin ondoren, hartzaileak hasierako prezioaren %30 fidantza gisa ordainduko du.
Errentarako ateratzen den zenbatekoa herriko diruzaintzan ordainduko da irailaren 28a baino lehen.
Postuen altuera 1,70 metrokoa izanen da hanka zolatik, palesen gainean egon edo ez.
Postuak egurrezkoak izanen dira eta postu bakoitzak 4 pieza izanen ditu. Postuen forma terrenoaren araberakoa izanen da eta ezin izango da forma hori mugitu. Postuak betiko tokian eginen dira, eta sasoian zehar aldaketarik ikusten bada, guardak postua lehen bezala uzteko ahalmena izango du.
Respaldoaren partez norbaitek gordeleku bat egin nahi badu, 3 metro luze, metro bat zabal eta 2 metro altuera baino txikiagoak izango dira.
Betebeharrak betetzen ez baditu, esleipen hartzaileari jartzen ahal zaizkio zigor eta isunak.
Korneta bi aldiz jo baino lehen norbaitek tiroa bota ezkero, guardak ehiza barrutitik bidali ahal izango ditu eta horien lekua hutsik egonen da egun guzian, hau da, ehiztariari dagozkion eskubideak indarrik gabe geratuko dira egun guzirako.
Guardak ehiztariak postutik botatzeko ahalmena izanen du bertze zenbait arrazoiengatik ere, ehizan eragin larria izanez gero.
Zuhaitzak, landareak edo adarrak baimenik gabe mozten badira, ekintza udalak baloratuko du eta neurriak hartuko ditu.
Argitu aurretik ez da tirorik botako.
Ehiztariek postuak egunero garbi utziko dituzte saioa bukatutzat eman ondoren, hau da, postuetatik lekutu aurretik.
Adjudikazio hartzaileak ordaindu behar dituen zerga eta gaineko gastuak hauek izango dira: gastuentzat, adjudikazioaren %2,5 eta beza %16koa izanen da.
Baldintza hauetan arautzen ez den guztia, Nafarroako Toki administrazioari buruzko Foru legean, Nafarroako ehizari eta arrantzari buruzko Foru legean eta arlo horretan indarrean dauden gainerako xedapenetan finkatutakoa aplikatuko da.
Etxalarko udalaren barrutiak hartzen duen lursaila, Iparraldeko mugarrietan 44.etik 5oera bitartean dagoena da, Lizaietatik Gaztainlepoko gainera bitartekoa. Bi kilometroko luzera du lerro luzean eta 150 metroko sakonera herri gune aldera.
Udalak hitzarmena du Usozale elkartearekin. Haren bidez, horri utzi dio sareen ustiapena eta uso zale, ehiztari eta turisten interesak zaindu eta arautzeaz udala arduratuko da.
Udalak erabaki eta paratuko ditu beharrezkotzat jotzen diren postuak ehiztariak barrutian egon ahal izateko, baita sareen ondoan ere, ehiza eta uso zaleen egintzak oztopatu gabe.
Udalak postu bat izanen du bere konpromisoak betetzeko. Postu hori erabiltzen ez badute, posturik ez duten herriko ehiztariek erabili ahal izanen dute.