Nafarroako Gobernuaren erantzunaren zain, azkeneko bi urteotan alkate izan den Leire Ortuostek segituko du Zubietako alkate izaten. Maiatzeko udal hauteskundeetara ez zen zerrendarik aurkeztu Zubietan, eta Leirek dimisioa aurkezteko asmoa azaldu arren, alkatetzan segituko du. Herriko Etxean adierazitakoaren arabera, oraindik ez dute Gobernuaren erantzun idatzirik jaso, eta ikusteke dago zer gertatzen den. Edozein kasutan, Gobernuak erabakiko du zer egin. Irailean udal hauteskundeetarako bigarren deialdia egiten denean zerrendarik aurkezten den ala ez ere kontuan hartu beharko da.