Duela urte pare bat Bortzirietan eta Baztanen egin bezala, Malerrekan ere martxan da Agenda 21. Aste honetan hasiko dira herritarrei inkestak egiten, eta guztira 310 eginen dira. Gisa berean, Malerrekako Agenda 21erako logotipo eta lema bilatzeko lehiaketa ere antolatu dute. Lehiaketaren saria 300 eurokoa da, eta irailaren 14an akituko da proposamenak bidaltzeko epea. 16 urtetik goitikoentzat dago zabalik eta "Agenda 21" eta "Malerreka" hitzak agertu beharko dute. Azkenik, aipatu, lehiakide bakoitzak bi obra (logoa eta lema) aurkeztu ahal izanen dituela gehienez, eta euskarri informatikoan egin beharko dela.