Azkeneko bi urteotan alkate izan den Leire Ortuostek kargua utzi ondotik, alkaterik gabe dago berriz ere Zubieta. Maiatzeko udal hauteskundeetara ez zen zerrendarik aurkeztu, eta uztailaren erdialdean Leire Ortuostek dimisioa aurkeztu zuenez, Nafarroako Gobernuaren erantzunaren zain daude orain herrian. Lerro hauek idazterakoan Herriko Etxean ez zuten oraindik Gobernuaren erantzunik jaso, eta izendatzekotan Iruñetik egin beharko lukete. Alkatetzarako norbait izendatuz gero, hura izanen litzateke alkate, hasiera batean, irailera bitarte. Izan ere, orduan eginen da udal hauteskundeetarako bigarren deialdia.