Oizko Udalak enkante publikoan paratu du Ezpeldegiko seigarren postuko usategia. Hasierako prezioa 11.500 eurotan ezarri du, eta enkantean parte hartzeko, interesatuek prezioaren %5a utzi beharko dute aldez aurretik, behin-behineko fidantza gisa. Goiti jotzeko postura, berriz, 50 eurokoa izanen da. Lehen enkantea Herriko Etxeko bilkura aretoan eginen da heldu den abuztuaren 4an, 12:00etan, eta esleipena arautzen duen baldintza agiria, Herriko Etxeko idazkaritzan egonen da eskuragai.