Lehendabiziko fasea bukatu ondotik, Baztan-Errekako XXVIII. laxoa txapelketa finalaurrekoetan sartua da. Hasierako ligaxka horretan, A multzoan, Doneztebe A taldea nagusitu zen, eta bere ondotik, Oitz A, Doneztebe C, Irurita A, Oitz B eta Irurita C. Bigarren multzoko buru, berriz, Irurita B izan zen, Arraioz A, Doneztebe B, Doneztebe D, Arraioz B eta Hondarribiaren aitzinetik.
Multzo bakoitzeko lau lehendabizikoak dira orain final laurdenak jokatzen ari direnak: Doneztebe A Doneztebe Dren aurka, Oitz A Doneztebe Bren kontra, Doneztebe C Arraioz Aren kontra eta Irurita A Irurita Bren kontra. Joan eta etorriko partidak dira, eta dagoeneko joanekoak jokatu direnez, itzulikoak baino ez dira gelditzen. Behin hauek bukatzean irabazleek finalaurreko partidak jokatuko dituzte, eta hasieran errandakoaren arabera, final handia abuztuaren 5ean jokatuko da, Iruritako plazan.