Akelarre Elkarteak antolatutako “Bide garbiketa eguna” arrakastatsua suertatu zen, 20 bat lagun lanean aritu baitziren. Zikinkeria aunitz bildu zen, eta hasieran zikinkeri guztia pisatzea pentsatu bazen ere, ondarrean ez zen hala egin, zuzenean Cherchebruiteko zabortokira eraman baitzen.
10:30ak aldera hasi ziren, batzuk Errotako zelaitik lezeraino ailegatzen den erreka bazterrean; eta bertze batzuk Sabideako Pottoka-bidetik hasi eta Narkoneko-bordaraino. Ondotik, Urdazubi aldeko Pottoka-bidearen zati bat ere garbitu zuten. Hala ere, antolatzaileen ustez, oraindik lana gelditu da, eta behar bada irailean bertze aitada bat eginen da.
Lezeak zabalik
Hilabete bat pasa itxita egon ondotik (37 egun) ekainaren 9an ireki ziren lezeak. Moldaketen ondotik, itxura aldaketa bat izan da leze haundian: erreka bazterrean pareta txiki bat egin da eta horren gainean kate bat jarri; bertzalde, zubi berriak lehenagokoak baino azkarragoak dira.