Maiatzaren 4ko eurite eta ekaitzek eragindako kalteak direla-eta, hondamendi eremu izendatu dituzte Lapurdiko hainbat herri. Horien artean daude, Azkaine, Senpere eta Sara. Baita Jutsi, Amendüze, Basusarri, Uztaritze, Baiona, Kanbo eta Ezpeleta ere. Michele Alliot-Marie Frantziako Barne ministroak onartu zuen izendapena orain bizpahiru aste, eta horren bidez, laguntza bereziak hartuko dituzte aipatutako herriek.