Maiatz hondarrean akabatu zituzten 2006ko abenduan hasitako Herriko Etxeko obrak. Ordura arte lehenbiziko solairuan zeuden Hiri Hondakinen Mankomunitatea eta Gizarte Zerbitzuko bulegoak, baina hirugarren solairua berrituz, aunitzez leku hobean paratu dituzte. Patxiku Irisarri alkateak erran digunez, «modu honetan jendeari aunitzez zerbitzu hobea eskaini ahal izanen diote langileek, lehen ez baitzeuden beharrezko kondiziotan». Igogailuko obrak ere bukatu dira baina baimenaren zain daude martxan jartzeko.