Asteburu honetan da Trinitate Eguna. Eguraldiak laguntzen baldin badu, jende aunitz hurbilduko da Mendaur kaxkoan dagoen Trinitate ermitara. Ohiturari jarraituz, batzuk meza entzuteko mugituko dira, eta guztiek, lagun artean gosaltzeko eta mendi kaskotik dagoen bistaz gozatzeko aprobetxatuko dute.
Aurtiztarrak eta iturendarrak bazkaltzera geldituko dira enbaltsearen inguruan. Aurten, ingude-altxatze apostua izanen da bazkaria baino lehen: minutu batez zeinek altxaldi gehiago eman. Bazkalondoa animatzeko Kristian akordeolaria etorriko da.
Etxerako bueltan, bestarako animoarekin daudenak Aurtitzen eginen dute lehen geldialdia tragoxka batzuk hartzeko. Arratsalde apalean dantzaldia izanen da Gaubela taldearekin Iturengo plazan.