Aitzineko ortziralean, hilak 11, Udaberriko Feriaren eguna zen herrian. Doneztebeko Udalak antolatu zuen, Nafarroako Gobernuaren eta Cederna-Garalur elkartearen laguntzarekin. Goizeko 10etatik aitzinera, aziendak zein eskulanak ikusgai eta salgai egon ziren herrian: aziendak Merkatu Plazan, eta artisauen erakusketa eta salmenta eliza atarian. Horrez gain, lehenbizikoz ahari lehiaketa ere egitekoak ziren. Eta horrelakoetan ohikoa izaten den bezala, azienda onena saritzeko sari banaketa ere egitekoak ziren.