Pilotaren historiako partidu garrantzitsuenetako batek badu liburua, eta herriko protagonista batekin, gainera. «Banaka. Final handi baten anatomia» izenburupean, Julian Retegi eta Ladis Galartza protagonista dituen eleberria Iñaki Bidegainek egin du, eta Jexux Zubiriak euskarara itzuli.
1993an Retegi II.ak eta Galartza III.ak elkarren aurka jokatu zuten azken eskuz banakako finalean gertatu dena aztertzen da liburuan, finalaren inguruan gertatu zena. Liburua apirilaren 23an aurkeztu zuten Bilbon, eta ekitaldian esan zutenez, pilotaren esparru hori lantzen duen lehen eleberria da.
Bestalde, aipatu, liburuaren salmentarekin ateratzen diren dirusarrera guztiak Gipuzkoako ASPACE Elkartearentzat izanen dela, buruko gaixotasuna duten afizionatuen arteko eskuz banakako torneoa antolatzeko.