Ortziralean nazioarteko lan osasunaren eguna zela eta, LAB sindikatuak lan uzteak deitu zituen kolokatasuna, azpikontratazioak eta lan erritmoak istripuak eragiten dituztelako. Alkaiagako industria gunean hiru elkarretaratzea egin ziren, Alco, Teknopet eta Composites Gureak enpresen atarietan.
Sindikatuaren ustez lan baldintzak erantzukizun zuzena dute urtero lanean hiltzen diren kopurua altuekin. Iaz Euskal Herrian 129 izan ziren lanean bizia galdu zutenak, eta aurten dagoeneko 40 dira. LABeko arduradunek dionez garaia da gauzen aldatzeko, eta horretarako deitu zituzten ortziraleko lan uzteak.
Eguerdiko 12:00etan “prekaritateak, azpikontratazioak, lan erritmoak hil egiten dute. Hau aldatu behar dugu” zeraman pankarta eskuetan zutela dozena bat lagun bildu ziren Alco enpresaren atarian. Ordu eta erdi beranduago bertze bi elkarretaratzea egin zituzten Teknopek eta Composites Gureak enpresen aitzinean.