Gan den urtean ez zen triatloiarik egin aintzira hutsa baitzen eraberritze lanengatik. Aurten, aldiz, dena prest da kirolaren besta haundia egiteko. Hitzordua 28 eta 29an izanen da. Aintzira toki paregabea da norgehiagoka hori egiteko mendiak, ura eta bidexkak baitaude inguruan.
Triatloian taldeka parte hartuko dute kirolariek, eta 300 metro igeritan, 14 kilometro eta erdi bizikletaz eta 3 lasterka egin beharko dituzte.
Gisa berean, 8 eta 12 urte arteko eta 10 eta 14 urte arteko haurrentzat bertze froga laburragoak eginen dira ere. Xehetasunak: www.triathloncotebasque.fr.