Herritar talde bat San Anton ermita berritzen ari da azken aste hauetan. Urtetik urtera ermitaren egoerak okerrera egin du, eta egoera txarra tarteko, urtean behin, urtarrilaren 17an, egiten den mezan arriskuan jartzen zituen bertan bildutako lagunak. Hala, 20 bat herritarrek bere gain hartu du ardura, eta azken aste hondarretan guztiz berritzen ari dira; zola berritzen, paretak emokatzen, teilatua berritzen eta pintatzen…, laster akituko dutela espero dute.