Larunbat honetarako, martxoak 17, sagardotegira joateko autobusa antolatu dute herriko gazteek. Izena emateko epea joan den igandean akabatu zen eta animatutakoak larunbat ilunabarreko 8etan herri-sarreran elkartuko dira Astigarragara joateko. Joan den urteetan arrakasta handia izan du ateraldi honek, eta aurten ere bertze horrenbertze espero da. Gazte eta ez hain gaztea franko animatzen dira, autobusaren aitzakian, sagardotegiko giroaz gozatzera, autoa hartzeaz batere arduratu beharrik izan gabe.