Igande honetan, martxoak 13, autoz beteko zaizkigu bertze urte batez herriko errepideak. Inguruko auto-gidari eta zaleek egun haundia izanen dute, goiz-goizetik auto soinuak adituko baitira Usategietako bidean. Bederatzietan itxiko dute karretera eta 10,30etan hasiko dira lehenbiziko entrenamenduak. Ondotik, bi igoera eginen dituzte partehartzaileek. Azkenik, arratsaldeko 15etan aterako dira auto-gidariek egindako denborak eta ordu erdi bat beranduago eginen da sari-banaketa. Azkeneko ediziotan eskualdeko auto-gidariek nahiko lan txukuna egin dute, ikusiko dugu aurten ere marka onak burutzen dituzten. Edozein moduz, Etxalarrera hurbiltzen diren guztiek igande goiz polita pasatzeko aukera izanen dute, urtero-urtero aski giro ederra izaten baita herrian auto igoeraren aitzakian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun