Nafarroako Gobernuko prentsa bulegoa jakinarazi duenez, errepide mozketak izanen dira gaur gauean eta bihar goizean N-121-A errepidean, Almandozko tunelean eta Arrigazteluko zubian. Lehenaren kasuan, arratseko 23:00etatik aitzinera, Irunera doan trafikoa lehenagoko errepidetik, Belateko gainetik desbideratuko dute bi orduz. Sunbillan berriz, bihar goiz partean gertatuko da, orduan trafikoa aldizkatuko dute karril batetik. Azken hau motzagoa izanen da ordu erdi bat baizik ez baitu iraunen. Bien kasuan argitze lanak egin behar dituzte.