Herriko Etxeak “Pastore lore” besta antolatuko du bigarren aldikotz heldu diren ekainaren 4 eta 5ean. Gan den urtean egun horrek arrakasta handia izan zuen. Aurten ere, antolatzaileek egitarau aberatsa konposatu dute. Horra, beraz, zer atxemanen dugun heldu den asteburuan:
Ekainaren 4an: Lore jokoa zaldiz, “Hidalgo” deitu filmaren hedapena frontoian.
Ekainaren 5ean: Pottoken elgarretaratzea Hiru Iturri Ederretako korral handian, pottoken herrirat jaustea, 400 pottoken etortzea abeltzainak inguraturik, Beñat Achiary kantuz, pottoken sariketa, haurrentzat lehen entsegua pottoken gainean, bertsulariak, ardi saldoen etortzea, ardi-ilemoztea eskuz eta elektrikaz, behoka biltze erakuspena haurrentzat, pilotasoro bota luze (pilota partida desafioa artzainen artean), mutxikoak.
Egun guztian: eztiaren eta erle-lanen erakusketa. Lihoaren erakusketa, landatik hasi eta oihala egite arte. Etxetiar ekarle. Sagarno. Bidagurdi ibiltze.