Atzo gau eta egunsentian izan genuen elur ekaitza, baina orduak pasa ahala, hobera egin zuen eta arazoak gutxitzen hasi ziren.
Honek eragin nabarmena izan du errepideen egoeran, eta hala, nahiz eta arretaz gidatzeko aholkua sekula sobera ez egon, sare nagusian soilik Urkiaga mendatea itxita dago, beti ere goizeko 7etako datuak aintzat hartuz.
2. mailako errepideei dagokionez, honako hauek daude itxita: Artesiana, Urbasa, Belagua, Egozkue, Izpegi, Leitza-Goizueta-Hernani errepidea eta Aralarko San Migelera doana.
Kateak honakoetan behar dira: Lizarrustin, Lizarragan, Lizarra-Tafalla-Zangotza errepidean, Ezkurrako gainan, Aibarren eta Etxaurin.