Etxalarko EAk bertze behin ere abiadura handiko internet hartzeko posibilitatea herri guziari eskaintzea eskatu dio Nafarroako Gobernuari.
Alderdiak 3 urte darama eskaera hori bideratzen Etxalarko udalaren bitartez edo Nafarroako parlamentuan duen taldearen bitartez. Hainbat mozio eta eskaera parlamentarien ondotik, joan den urtean banda zabaleko internet jarri zuten herrian, baina sistema horrek Nafarroako Gobernuak kudeatzen dituen telebistetako antenak erabiltzen ditu. Etxalarko herriari dagokionez, Fraingo errepikagailuak betetzen du lan hori, baina herriko auzo batzuk emisiorik gabe gelditzen dira itzalgunetan. Telebista udaleko antena batzuen bitartez jasotzen badute, banda zabaleko internet zerbitzuari dagokionez ez dute deus hartzen.
Egoera horren aitzinean Etxalarko EA taldeak Nafarroako Gobernuari behar den azpiegitura paratzea eskatu dio baserrietako herritar guziek abiadura handiko internetez gozatzeko aukera izan dezaten.