Landagain eskolako haurrek egun handia izanen dute igande hau, ekainak 19. Urtero bezala, “Haurren Eguna” ospatuko dute. Goizean eskulanen erakusketa paratuko dute frontoian eta eguerdi aldera ipuinak irakurtzen arituko dira, “XVII. Ipuin topaketaren” barrenean. Bertsoak eta trikitixa ere aditu ahal izanen dira. Eguerdiko 14:00etan bazkaria izanen da plazan eta bazkal ondotik “Xurdin ipotxak” izeneko antzeslana eskainiko da.