Lorpen galtzerdi enpresak aurtengo Nafarroako Merkataritza Saria irabazi du. Lorpenekin batera, Justo Guindano, Asesoria Zabala eta Jose Manuel Ayesa ere saritu ditu Nafarroako Merkataritza Ganbarak.
Heldu den azaroaren 28an jasoko dute saria enpresako arduradunek Iruñean. Joxe Manuel Bizentek adierazi digunez «urte multzo bateko lanaren fruitua da sari hau eta hagitz kontent gaude. Lehenbiziko aldia da modu honetako sari handia ematen digutela eta aitzinera segitzeko indar handia ematen digu».