Elizako dorrean jarri diren hiru ezkil berrituen kontuak etxeetara igorri dituzte. Gastu guztia 18.065 eurokoa izan da: 14.000 euro ezkilen konpontzea eta gainetakoa elektrizitate, harginak, kantera, zurgindegi eta arotzen lanak izan dira.
Nahiz eta diru hunen zati haundiena Zugarramurdiko elizak pagatuko duen, hala ere herritarrei beren borondatearen araberako laguntza eskatzen zaie. Ondotik zenbat diru bildu den ikusita, bertze bi lan egin nahi dira: alde batetik burdinezko sare batez inguratu ezkilak, eta bertzetik elizako dorrera doaien eskailera konpondu.