Joan den urriaren 6, 7 eta 8an grabatu ziren gure herrian «Botones» izeneko laburmetraiaren irudiak. Herrian nabaria zen zerbait berezia gertatzen zela, jartzen zituzten argi haundiak eta filmea grabatzen ari ziren jendearen joan etorriak zirela eta. Gure herriko zenbait bizilagunek, horretarako beharrezkoak ziren probak pasatu eta parte hartu dute laburmetrai honetan:
Ainhoa Etxebeste, Amaia Apezetxea, Pako Errandonea, Estitxu Arretxea, Jose Miguel Zelaieta, Maria Victoria Graziarena eta Adelaida Migeltorena.
Julio Mazariko, laburmetraiaren zuzendariak, ezin izan digu erran noiz eta nola ikusten ahalko ditugun gure herrian grabatutako irudiak, baina ziur jakiten dugunean, lerro hauen bidez emanen dizuegu informazio horren berri.