Etxalarko Euskara Batzordea, Udalak eta Bortzirietako Euskara Mankomunitateak antolatzen dituen kultur egunak urriaren 19, 20 eta 28an iraganen dira. Lehen ekitaldia heldu den ortzegunean eginen da Kultur etxean. “Etxalarren etxe berriak zenbat eta zertarako?” izenburua izanen duen mahai inguruan Jakoba Errekondo, Zeraingo udal teknikariak, Jabier Lekuona arkitektoa, Juan Fermin Mitxelena Lesakako alkatea eta Xan Harriague Sarako hautetsia hirigintzari buruz arituko dira. Urko Ikardok zuzenduko duen eztabaidan publikoak ere parte hartzen ahalko du.
Biharamunean, ortziralearekin, beti ere kultur etxean, Miren Camisonek Afrikako ipuinak kontatuko ditu arratsaldeko 17:00etan.
Egun nagusia hilaren 28an izanen da, larunbatarekin. Arratsaldeko 16:00etan haurrentzako jokoak antolatuko dituzte, tartean altxorraren bilatzea. Arratsean, bertso afaria eginen da 21:00etan Herriko Ostatuan. Horren kari Bortzirietako eta Zarauzko bertsolarien arteko GR8 herrien arteko txapelketaren jardunaldia jokatuko da. Afarirako txartelak Elutsa eta Herriko Ostatuan egonen dira salgai.