Herriko Udalak antolaturik, hamabortz lagun izan dira turismoarekin zerikusia daukan ikastaroa hartzen. Ikastaroa Ospitalean eman da, irailaren 18tik 28ra, eta bereziki bi gai ikusi ziren: alde batetik erakutsi nola antolatzen ahal den turismoa gure inguru hauetan (proiektu berriak martxan jarriz barne), eta bertze aldetik guia edo gidari bezala lan egiteko behar diren ezagupenak ikasi.
Kontutan hartuz gure bazter hauetara hurbiltzen den turista eta bisitari kopurua eta hemen ditugun baliabideak (lezeak, errota, monastegia, laister Sorginkeriaren Museoa...) bixtan da zenbat eta jendea hobekiago prestatua izan orduan eta eskeintza hobeagoa emanen dugula, eta batez ere hori izan da ikastaro hunen helburua.