Asteazken honetan, irailaren 6an, hasiko dira haur eta gazte mailako Laxoa txapelketak. Haur mailan, Oitz (Lander Mindegia, Laurendi Zelaieta, Jon Jaen eta Ibai Iribarren), Doneztebe A (Josetxo Ezkurra, Jon Andiarena, Mikel Grazenea eta Emilio Zabala), Doneztebe B (Xabi Ibarrola, Unai Urroz, Andoni San Martin eta Borja Arregi) eta Doneztebe C (Aurelio Bertiz, Joseba Grazenea, Unai Sapuppo eta Josu Inda) taldeak lehiatuko dira.
Gazte mailan, berriz, Oitz (Ugutz Zelaieta, Iker Bereau, Andoni Saldias eta Garikoitz Urroz), Doneztebe (Mikel Etxekolonea, Jokin Telletxea, Pedro Jose Martin eta Ander Bertiz) eta Arraioz (Aitor Zubigarai, Igor Retegi, Daniel Saldias eta Mikel Almandoz) lehiatuko dira.
Asteazkeneko lehen jardunaldian, haur mailan, Doneztebe A, Doneztebe Cren kontra arituko da 16:00etan eta Doneztebe B Oitzen kontra 17:30ean. Bi partidako Doneztebeko Bear-Zanan jokatuko dira. Gazte mailan, berriz, Oitz Donezteberen kontra arituko da 17:00etan Oizko plazan eta Arraiozek atsedena izanen du.
Bi txapelketetan, partida guziak liga moduan jokatuko dira, denak denen aurka eta bi itzuliko liga izanen da. Sailkapeneko lehenbiziko bi taldeek jokatuko dituzte finalak urriaren 14an Oizko plazan.
Partidak normalki larunbat goizeko 11:30ean jokatuko dira eta asteazkenen bat edo bertzean, 17:00etan.