Egun hauetan 2006ko egutegiak banatzen dituzte etxez etxe herriko su hiltzaileek. Ez da dudarik sari bat ongi merezi dutela noiznahi nornahik beren beharra izaten ahal baitu. Berriki Santa Barbararen karietarat urteko biltzarra egin dute herriko 34 su hiltzaileek eta aspaldiko lagunek. Gogoratu dute 2005ean, bortzehun ateraldi pasa egin dituztela etxeetako edo larretako suak itzaltzeko bai eta bide istripuetan kolpatzen diren jendeak sokorritzeko eta ospitalerat eremateko.