Iazko amuarrain neurketak oso ezkorrak izan ziren. 2003an 1.200 gazte hektarako zenbatu bazituzten, ondoko urtean 1.000 baino guttiago ziren. Aurten idortearengatik arrantzale guziek oraindik makurrago izan zela pentsatzen bazuten ere, azkenean amuarrain gazteen kopuruak 10 eta 21 cm. artekoak gora egin du. Herrialde ososari dagokionez hektarako 1.120 zenbatu dituzte, joan den urtean baino %14,6 gehiago. Datu horiek esperantza pixka bat sorrarazten badute ere 2005garren urtean amuarrainen kimuak eta helduak behera egin dute. Lehenen kopurua %3,1 jautsi da. Iaz hektarerako 1.795 zenbatu baziren aurten 1.739 besterik ez dira izan. Helduen kasuan berriz %6,1 behera egin du. 2004garren urtean hektarerako 261 neurtu ziren, 2005ean 16 guttiago, 245. Orohar amuarrainen kopurua %1 igo da. Ez da kasik ezer, baina behintzat azken urteetako erortzea gelditu egin da. Hori dela eta, arrantzaleen elkarteek aginteak animatu dituzte ingurumenaren zaintzeko eramaten dituzten ekimenetan segitzeko.