Nafarroako Gobernuak Oizko bigarren batzorde kudeatzaile bat izendatu du. 2003ko martxoko udal hauteskundetan ez zen inor aurkeztu eta gauza bera gertatu zen urte bereko urrian. Orduan, legeak agintzen duen bezala, Nafarroako Gobernuak, batzorde kudeatzailea izendatu zuen. Oiztarrek batzarrean zerrenda hori ez zela egokia erabaki zuten eta gibelera bota zuten Iruñetik egindako proposamena. Oraingoan honako hauek izendatu dituzte Iruñetik: Alberto San Miguel, Javier Ariztegi, Jose Luis Anso eta Luis Mindegia. Badirudi orain herritarren oniritzia izanen duela batzordeak.