Larunbat honetan, urtarrilak 21, Bortzirietako eskuz banakako bosgarren Pilota txapelketako finalak jokatuko dira Etxalarko frontoian. Goizeko 9:30etan hasita eguerdira bitartean, hamar partidu ikusi ahal izanen dira. Guztira bortz kategoriatako pilotariak arituko dira elkarren kontra lehian, aurrebenjamin, benjamin, alebin, infantil eta kadete mailakoak. Maila bakoitzean, adinaren arabera bi kategoria egin dira, A eta B. Binakako txapelketan, Irun, Hondarribia, Hendaia eta Oiartzungo pilotariak ere aritzen dira, baina banakakoan, bortz herrietakoak eta Txarutak aurkeztutako pilotari batzuk bakarrik aritU dira.
Hasieran igandean egitekoak ziren finalak, baina San Anton eguna denez, egun bat aitzintzea erabaki da.