Gure bi herri hauetan izigarriko lan polita egiteko asmoa dago: gure xaharrengandik biltzea beren gazte denboretako oroitzapenak. Herri bakoitzetik hautatuko dira adineko pertsona batzuk eta, berek kontatzen dituztenak bideoz grabatuz, ia gaur egun galdua den lehengo bizimodua gordetzea da intentzioa.
Lan hau herritarrek eginen dute, bainan berez Euskokultur Fundazioak gidatzen du eta Nafarroako Unibertsitatea, Nafarroko Kutxa eta Euskaltzaindiak laguntzen dute, proiektua Nafarroa osoan egiten ari baitira, borondatea erakusten duten herri guztietan.
Lana martxan dago, baina interesa duenak telefono hauetara deitzen ahal du: Urdazubin 948 599206 (Ana) eta Zugarramurdin 948 599263 (Helena).