Herriko aintziran gertatu zen kutsadurarengatik bainua, ur kirolak eta arrantza debekatu zituen Herriko Etxeak gan den maiatzaren 16an. Dena den, geroztik egin diren ikerketek frogatu dute kutsadura ez zela kimikoa. Ikerketak aintzirako hiru toki estrategikotan egin dituzte, kanping-karren aparkalekuaren ondoan, hau da erreka aintzirarat isurtzen den tokian, bainua zaindua den gunean, eta aintzirako ateratzean. Herri Urratsen baliatzen diren komun mugikorretan likido organikoa dago aintzineko ttipi-ttapan esplikatzen zen bezala. Ur zikinak bildu ondoren eta irriskurik ez baita jendeentzat, Herriko Etxeak eta prefeturak deliberatu dute lakuan mainatu eta arrantza egin daitezkela berriz ere.