Aurten, lehenbiziko aldiz, ekoizleen eta eskulangileen azoka antolatu dute azaroaren 1ean, igande honetan, Donezteben. Hamalau ekoizle bilduko dira, eta klase aunitzetako produktuak paratuko dituzte ikusgai eta salgai.
Loreontziak, kakorratz lanak edo gantxilloarekin egindako lanak, belarritakoak, larruarekin egindako eskulanak, eztia, kristala landuz egindako lanak, gozoak, zur lanak, zilarrarekin egindako eskulanak... paratuko dituzte postuetan. Eskualdeko ekoizleak ez ezik, Nafarroako bertze txokoetatik eta Gipuzkoatik etorritakoak izanen dira.
Karrika Nagusian bilduko dira, 10:00etatik 14:00etara.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.