B taldeko lehen jardunaldian, Azkaineko Xan Karrikaburuk 56-50 irabazi dio Andoni Zabala oiartzuarrari eta A taldeko bigarren jardunaldian, Baionako Eneko Zanponik 52-48 irabazi dio Urruñako Jon Muruagari
B taldeko partidan, Azkaineko Xan Karrikaburuk 56-50 irabazi dio Andoni Zabala oiartzuarrari eta xaren izan ezik, bertze lau modalitatetan berdintasun handia izan da. Xaren 12-6 irabazi dio Karrikaburuk Zabalari, joko garbin 12-10 eta paletaz nahiz eskuz, tanto bakarreko aldearekin irabazi dio azkaindarrak oiartzuarrari (12-11). Eskularruarekin lortu du garaipen bakarra Zabalak (12-8).
A taldeko partidan, Baionako Eneko Zanponik 52-48 irabazi dio Urruñako Jon Muruagari, nahiz eta bortz modalitatetik hirutan nagusitu den Muruaga. Hori bai, irabazi dituen bi modalitatetan (xare eta eskularrua, alde handiagoa lortu du Zamponik, 12-7 eta 12-5, hurrenez hurren). Honela, Muruagak joko garbin (12-10), paletaz (12-8) eta eskuz (12-10) irabazi arren, Zanponik eskuratu du garaipena.