Xabi Aburruzaga trikitilari ezagunaren emanaldia 19:00etan hasiko da Donamariako frontoian. Sarrerak Donamariako Herriko Etxean edo kontzertua baino lehen erosteko aukera izanen da, 15 eurotan. Eta aipatu bezala, bildutako dirua Mirzo Music Foundationera bideratuko dute.
Mirzo Music Foundation Gani Mirzo musikari kurdu-siriarrak sortutako irabazi asmorik gabeko fundazioa da, musikaren eta artearen bitartez, gerraren eta integrismo islamiarraren biktima diren herritarrei itxaropena ematea du helburu.