Nafarroako Superkopa jokoan izanen dute Errekako emakumeek eta gizonek larunbatean Donezteben

Ttipi-Ttapa
Gehitu gaitzazu Googlen
Deskargatu Info Ahotsak :
Español English Français Català Galego

Errekako gizonezkoak eta emakumeak iaz liga irabazi ondotik. Titulu horrek eman die aurten Nafarroako Superkopa etxean jokatzeko eskubidea. Larunbatean izanen dute biek hitzordua.

2025-2026 denboraldi historikoa egin zuten Doneztebeko Errekako eskubaloi taldeko gizonezkoek eta emakumeek. Emakumeek, historian lehen aldiz liga irabazi ondotik, kopa ere irabazi zuten (hau ere lehen aldiz). Gizonezkoek, bigarren urtez segidan liga irabaz zuten eta igoera fasean lehen maila nazionalera igatea lortu zuten, historian lehen aldiz.

Bi taldeek BM Ardoi izanen dute arerio, 17:00etan emakumeek eta 19:00etan gizonek, denboraldiko lehen tituluaren bila

Bi taldeek beraien ligei datozen asteetan ekinen diete, baina aitzinetik, hitzordu garrantzitsua izanen dute irailaren 5ean, larunbatean bertan, Doneztebeko kiroldegian. Bai gizonek, bai emakumeek, Nafarroako Superkopa jokoan izanen dute. Errekako emakumeek, ligan nahiz kopan txapeldunorde izan zen Zizurreko BM Ardoi taldea izanen dute arerio, larunbatean 17:00etan. Gizonezkoek ere BM Ardoi izanen dute arerio, kopako txapelduna.

Kirola Malerreka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun