Eskubaloian momentu txarrak ezagutu ditu, «baina gehiago onak: 2012-2013an final four-en sartu ginen eta 2018an liga eta kopa irabazi genuen». Eta aurtengoa «latza» izan da, «jaun eta jabe izan dira, liga irabazi, igoera fasea irabazi talde hagitz fuerteen kontra, meritu handi du». Marizkurrenarentzat Erreka «familia handi bat da, eskatu gabe ematen duen jendearekin, non jende aunitz inbolukratua dagoen, musutruk, ez du inork kobratzen, denak lanerako prest… Gaur egun arras zaila da hori. Alemanian izan nintzenean erraten nuen hori eta ez zuten sinisten ahal». Etorkizunera begira, ez du erraza ikusten horrela segitzea, «gizartea gero eta indibidualistagoa da, zerbait egiteko jendeak zerbait bueltan behar du… Errekan oraingoz ez da halakorik eta pena izanen litzateke printzipio horiek galtzea. Noizbait akitzen bada pentsatu beharko dugu bertze modelo bat, baina oraingoz lanean segitzeko gogoz dago jendea».
«Familia handi bat da Erreka, eskatu gabe ematen duen jendearekin»
2026ko irailaren 5a
Ibai MARIEZKURRENA, Erreka elkarteko mendi atalekoa.
Bere garaian eskubaloi taldean aritu zen Ibai Marizkurrena, baina gaur egun mendi atalean buru-belarri dabil lanean. «Duela 20-30 urte Txomin Mindegiak eta Tomas Utergak astebururo irteerak antolatzen zituzten, autobusean. Eskiatzera ere bai, Oskar Mindegiarekin. Orain klub gutti dira irteerak antolatzen dituztenak, informazio aunitz bada Interneten eta jendea bere airera ibiltzen da. Abenduan hiru irteera fijoak izaten ditugu: Mendiaren Egunean Bonozorrotzera eta gero proiekzioa. munduko alpinista onenak ekarri ditugu, 2012an Alex Txikon ezagutu genuenetik aunitz lagundu digu; abenduaren 24an Saioara eta 31n Mendaurrera. Azken urteetan, 25-30 lagun irteera egiten dugu Errekaren izenean, Aspin, Petrechema…, gehixeago ibiltzen garenerako». Gaur egun, Errekako 160 bazkide badira mendian federatuak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun