Erreka «niretzat guztia da. Ttikitatik jokatzen genuen kuadrillakoek. Orain, boom batean dago taldea, arras gaizki ohitu gaituzte, baina lohietan ere ibili ginen gure denboran, taldea ezin osatuz… halere, gustura egiten genuen». Mendi taldean, krosean… ere laguntzen du, «denok ezagutzen dugu elkar eta beti prest gaude eskua botatzeko». Orain, alabaren garaipenekin gozatzen du: «Harro nago, duela pare bat urte atera zuten taldea eta liga eta kopa irabazi dute aurten, barbaridade bat iruditzen zait, izugarria!». Apezetxearen ustez, emaitza guzi hauen gibelean «lan handia dago, orain seriotasun handiagoa da, jende aunitz lanean. Eta lanerako prest dagoen jendea dagoen bitartean, Errekak segida izanen du, edozein kiroletan eta edozein kategoriatan dela ere».
«Azken urteetan Errekak lortutako emaitzen gibelean lan handia dago»
2026ko irailaren 5a
Luismi APEZETXEA, eskubaloian Errekarekin liga hirutan irabazi duen atezaina.
Errekako gizonezkoek irabazitako bortz ligetatik hirutan atezaina zen Luismi Apezetxea Lizaso atezaina: bi lehenbizikoak, 1989an eta 1990ean, 19-20 urte zituenean eta hirugarrena, 35 urte beranduago, 2025ean, 55 urte zituela. Beraz, jokalari historikoa denik ezin da ukatu. «Azken urteetan eskua botatzeko sartu nintzen, adinaren aldea nabaritu nuen, baina gustura ibili nintzen, denen aita ematen nuen».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun