Orain, lehendakari izateaz gain, pilota atalaren ardura ere bere gain du orain, «denetik pixka bat egin dugu». Erreka elkartea «sozializatzeko eta harremanak egiteko balio duen zerbait» dela uste du. Etorkizunera begira baikor da Legarra, «urtetik urtera goiti doaie, sekzio berriak, jende gehiago… hor gaudenok segitzeko ideiarekin gaude. Kirol arloan ez dugu helburu zehatzik jartzen eta horrek presioa kentzen digu». Honela, mutilen eskubaloi taldeak lehen aldiz maila nazionalean jokatuko duen denboraldi honetan «gozatzea da asmoa, ez genuen uste inoiz kategoria horretan egonen zenik Erreka, aukera suertatu da, probextuko da eta bizituko dugu eta sari bat bezala hartzen dugu. Gozatu dezatela esperientzia, ea gero zer pasatzen den, burua galdu gabe».
«Sozializatzeko eta harremanak egiteko balio du Errekak»
Joseba LEGARRA, gaur egungo lehendakaria.
2013an sartu zen lehendakaritzan Joseba Legarra, duela hamahiru urte, Juan Telletxeari lekukoa hartuta. «Azken urteetan dena handitu» dela erran digu, «kirolari fitxak, parte hartzea, sekzioak, babesleak, bazkideak, kirolak… dena aunitz hazi da». Zuzendaritzan izan baino lehen eskubaloi jokalari eta entrenatzaile ere izan da Legarra, «jokalari moduan, final four batera ailegatu ginen, baina liga irabazi ez».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun