15-7 eta 15-9 nagusitu zaizkie Segurola eta Ariz Juanenea saldiastarrari igandeko finalean
Aurrelari urdinak zazpi tanto egin zituen lehen setean eta zazpi bigarrenean. Barrenetxeak ondo atera zuen eta lau tanto egin zituen set bakoitzean. Gorrietan Juaneneak bi tanto egin zituen lehen setean eta bost bigarren jokoan, baina Segurola lekuz kanpo egon zen kantxa gainean. Aurrelari gorria ez zen ondo kokatuta egon eta ez zuen kantxa estaltzen frontoi txikian egin behar den bezala. Urdinak, berriz, elkar ondo ulertuta ibili ziren. Nagusitasuna argia izan zen.
Lehen setean, launa berdindu ondoren, Aldabe-Barrenetxeak 5-9ko aldea ireki zuen, eta 7-15 itxi zuten. Bigarren seta antzekoa izan zen. Bosnako berdinketaren ostean urdinak 7-10, 8-12 aurreratu ziren eta 9-15ekoan txapeldun izan ziren. Bikote gehiago egitearen garrantzia funtsezkoa izan zen.
Aipatzekoa da ortziraleko finalerdian, Aldabek eta Barrenetxeak 2-1 irabazi zietela Goikoetxea V.ari eta Azpirozi (10-15, 15-10 eta 8-4) eta larunbatekoan, Segurolak eta Aritz Juanena saldiastarrak 2-1 irabazi zieten Josetxo Ezkurra II.a doneztebarrari eta Larrañagari (15-9, 9-15 eta 8-2).
Deskarga-Eskuderok irabazi dute Zarauzko B Torneoa
Deskargak eta Eskuderok B mailako txapelak erraz eskuratu zituzten. 15-8 eta 15-9 utzi zituzten Aiestaran VII .a eta Ugarte txapeldun izateko. Beste behin ere giro aparta izan zen Aritzbatalden frontoia ia beteta zegoela. Nahiz eta zirrara falta izan, jendeak erremonteaz gozatu zuen.
Ortziraleko finalerdian, Deskargak eta Eskuderok 2-0 irabazi zieten Martixpe doneztebarrari eta Aiestaran VI.ari (15-10 eta 15-12) eta larunbatekoan, Aiestaran VII.ak eta Ugartek 2-0 Susperregrii eta Goikoetxea VI.ari (15-11 eta 15-7).