Aloña eta Alaitz Aioroa Goñi ahizpa kirolariek botatako txupinazoaren ondotik lau eguneko besta ederrak izan dituzte
Goizetik gauerako ordu ttikiak arte, herritar eta kanpotik etorritako guzientzat. Gustura aritu dira parte hartzen. Azpimarratuko ditugu haurrentzako herri kirolak, krosa, ginkana, gran prixa, bazkaria… ekitaldi ugari eta denetan gustura pasa zuten. Helduentzako aukera zabala ere izan zen, eta horien artean urtero arrakasta izaten dutenak mus txapelketa eta plater tiroketa lehiaketa dira.
Mus txapelketa eta plater tiroketa
Musean Herriko Ostatuko freskuran bikote aunitz aritu ziren. Honela geratu ziren:
- Iñigo Iparragirre eta David Perurena
- Nahiel eta Alvaro Mikelarena
- Martzelo Altxu eta Juan Miguel Benito.
Larunbat goizean plater tiroketan 21 herritar animatu ziren. Honela gelditu zen sailkapena:
- smael Elizalde
- Iñaki Iriarte
- Joxe Ariztegi
- Isidro Bazterrika
- Asier Apeztegia
169 lagun herri bazkarian
Otorduek ere bere garrantzia eduki dute, zopetan ostatua bete zen eta herri bazkarian 169 lagun elkartu ziren. Ez dugu aipatu gabe utziko ilunabarrean ere paella jatera eta zingar jatera hurbildu zela jendea. Dantzan ere gustura aritu da jendea erromerietan. Dantzaldietan bakarrik ez, herriko dantzariek beraien saio bikaina eskaini zuten.
Bestei akabaila emateko, igande arratsaldean herri kirol erakustaldi ederraz gozatu zuten hurbildu zirenek. Alde batetik aizkolariak eta bertzetik Estefi Etxebeste eta Udane Perurena herriko harri altxatzaileak. Elutsa txarangaren doinuekin akitu ziren aurtengo bestak