Yolanda Gaviria Moda Eskolako hamasei ikasleren eta diseinatzaile beraren lanak ikusgai izanen dira
Larunbateko egitarauari dagokionez, goizean, 11:00etan hasita, standak, modelatze tailerrak eta modeloen entseguak ikusteko aukera izanen dute. 18:00etan hasita eginen dute moda desfilea, moda eskolako ikasleen bildumak eta Yolanda Gaviriaren diseinuak ikusteko.
Desfilearen aurkezleak Ruben Garate eta Kristobal Zelaieta izanen dira; laguntzaileak Blanca Bañares eta Idoia Etxeberria; estetiziena Estibaliz Danborenea; estetizista laguntzaileak Mertxe Garate eta Nuria Barberena; ile apaintzailea Irantzu Gonzalez; ile apaintzailea laguntzailea Saioa Salaburu; musika DJ Aimar Oskarizek paratuko du eta Naiara Olagua arduratuko da sare sozialez.
Lehendik hainbat desfile antolatu ditu Yolanda Gaviriak eta, duela lau urte, lehen aldiz hurbildu zen Bidasoaldera, orduan ere Iturengo Tresaneara, ikasturtean zehar egindako lanak erakustera eta baloratzera. «Landa eremura hurbildu nahi izan dugu moda eta diseinuaren mundua, ikasle aunitz inguru honetakoak izan ditugula kontuan hartuz», aipatu zigun orduan Gaviriak berak.