Astebeteko atsedenaldiaren ondotik, jardunaldi erabakigarria ekainaren 13an jokatuko dute Beran
Emaitza hauekin, ekainaren 13an Beran jokatuko den lehen faseko azken jardunaldiaren faltan, sailkapenaren lehen postuan jarri dira Uterga eta Agirrezabala eta postu hori segurtatua dute. Bigarren dira Otxandorena eta Barricart eta hirugarren Matxin III.a eta Otano. Finalerdietarako laugarren bikotea erabakitzeko dago, Mikelarena-Ion edo Zeberio II.a-Mitxeo izanen dira. Hain zuzen, Berako azken jardunaldi horretan, Zeberio II.a eta Mitxeo, Matxin III.aren eta Otanoren kontra ariko dira. Zeberio II.ak eta Mitxeok irabazi edo, guttienez, 33 tanto egin beharko dituzte, sailkapenean laugarren izateko eta Mikelarena eta Ion kanpoan uzteko. Matxin III.ak eta Otanok, aldiz, hirugarren postua segurtatua dute, baina garaipenarekin bigarren izanen lirateke.