Kukuprakak nagusi II. Etxeko Memorialaren Donamariako jardunaldian

Ttipi-Ttapa 2026ko maiatzaren 25a

Donamariako jaialdian aritu ziren Kukuprakak eta Bitxiloreak taldeetako pilotariak eta bertsolariak.

Ados Pilota Elkarteak bigarren urtez antolatu du Etxeko Memoriala, Naroa Elizalde Etxekolonea Zubietako pilotaria zenaren oroimenez. Euskal Herriko hainbat herritan jokatzen ari da txapelketa eta finala Hernanin ekainaren 7an jokatuko dute. Eskualdean jardunaldi bakarra jokatuko da, hain zuzen Donamariako pilotalekuan larunbat honetan jokatu zena. Bertsoa eta pilota lotuko dituen saioan Kukuprakak (Oskoz, Aranburu eta Ruiz de Larramendi pilotan eta Akizu bertsotan) eta Bitxiloreak taldeak aritu ziren (Mujika, Mendiburu eta Arrastia pilotan eta Peñagarikano bertsotan).

Pilotari dagokionez, Kukuprakak taldea nagusitu zen bi norgehiagoketan. Lau eta erdiaren barrenena, Oskozek 18 eta 6 irabazi zion Mendibururi eta binakako lehian, Aranburuk eta Ruiz Larramendik 22-17 irabazi zieten Mujikari eta Arrastiari.

Mujikaren bolea, larunbateko partidan Donamarian.

Bertsolarien arteko lehian, aldiz, Angel Mari Peñagarikanok irabazi zion Maialen Akizuri eta bi tanto gehiago eman zizkion Bitxiloreak taldeari.

Berriozarren jokatutako jaialdian, Bitxiloreak eta Mitxoletak taldeak.

Berriozarren berdinketa

Bezperan, ortziralean, Berriozarren jokatutako jardunaldian, Bitxiloreak eta Mitxoletak taldeak partida nana irabazi zuten. Lau eta erdiaren barrenean Mendiburuk (Bitxiloreak) 18-17 irabazi zion Mitxoletak taldeko Agirreri. Binaka, aldiz, Mitxoletak taldeko Iturriaga leitzarrak eta Betegik 22-16 irabazi zieten Mujikari eta Arrastiari.

Kirola Malerreka Donamaria

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun