35-21 irabazi zieten ortziralean Garesen Matxin III.ari eta Otanori
Lehenbiziko bortz tantoak egin zituzten Otxandorenak eta Barrixartek eta Matxin III.a eta Otano bi tantora hurbildu baziren ere (4-6), hortik aitzinera jaun eta jabe izan ziren urdinak. 3-15eko partziala egin zuten, lehen aldiz hamalau tantoko aldea hartzeko (7-21) eta hamabortzekoa ere izan zuten (11-26). Azkenean, 21-35 irabazi zuten urdinek. Otxandorenak 20 tanto egin zituen eta pilota bakarra galdu zuen.
Aitzinetik, jaialdiko lehen partidan, Malerrekako gazteak eta beteranoak nahasian ariko dira: Xanti Uterga doneztebarrak eta Xuban Ilarregi oiztarrak 30-21 irabazi zieten Mikel Mikelarena oiztarrari eta Markel Leatxe donamariarrari.