Egitarauari dagokionez, maiatzaren 1ean, ortziralean, 11:00etan Elgorriagako Euskal Artzainak Ameriketan Museoa bisitatuko dute, Laura Iantziren laguntzarekin. 12:30ean Meza izanen dute Elgorriagako elizan eta Maite Goizueta Iabenek Euskal artzainak Ameriketan solasaldia enanen du. 14:30ean bazkaria izanen dute Doneztebeko Santamaria jatetxean eta, ohiturari eutsiz, bazkalondoan kantatuko dute.
Gotzon Garate
Gotzon Garate Goihartzun 1934an jaio zen Elgoibarren eta 2008an hil zen Bilbon. Idazle ez ezik, jesuita, filosofoa, filologoa, hizkuntzalaria eta irakasle izan zen eta bederatzi hizkuntza menperatzen zituen. Euskal eleberri beltzaren aintzindaria izan zen, Elizondoko eskutitzak, Goizuetako ezkongabeak eta Nafarroako Ezkurran eleberriarekin. Jon Bidart detektibearen sortzaile izan zen. Baina fikzioaz gain, Erdarakadak eta Atsotitzak bildu zituen (14.458 euskal esaera zahar bildu zituen).
Euskal Herriko zazpi lurraldetan barne ibili zen, gaztelania eta frantsesa ikasi ez zuten euskaldunekin mintzatzen, euskararen altxorrak galdu baino lehen. Tartean, Arizkunen, Goizuetan, Amaiurren, Sunbillan eta bertze zenbait herrietako baserrietan ibili zen.